క్రొత్తగా ఉద్యోగంలోకి చేరినవారు ఆచరించాల్సిన అత్యంత ముఖ్యమైన విషయం

అందరూ సంపాదనా పరులే

ప్రతి ఒక్కరూ సంపాదన పరులే. అయితే వచ్చిన డబ్బుని పొదుపుగా వాడుకొని మిగిల్చే వారు కొందరయితే, వచ్చిన డబ్బు వచ్చినట్లుగానే ఏమీ మిగల్చకుండా అంతా ఖర్చు చేసుకుని చివరకు తమ సంపాదనను జీరో బాలన్స్ గా చూపే వారు మరి కొందరయితే, మరి కొందరు తమకు వచ్చే సంపాదనంతా ఖర్చు చేసుకొని అప్పులు కూడా చేసి చివరకు తమ సంపాదనను మైనస్ బాలన్స్ కు తెచ్చుకొని, అప్పులు తీర్చడానికి తిప్పలు పడేవారిని కూడా కొందరిని మనం చూస్తుంటాం.

సంపాదనలో కొంత నిలుపు కోవడం ఒక కళ

ప్రతి ఒక్కరూ తమ జీవిత చక్రాన్ని సజావుగా నడిపించడానికి అందరూ సంపాదిస్తూనే ఉంటారు. అయితే తాము సంపాదించిన సంపాదనలో కొంత నిలుపు కోవడం ఒక కళ. కొందరు అతి జాగ్రత్తతో తమకు వచ్చే సంపాదన లో కొంత మదుపు చేసుకొని తమ జీవితాలను ఆనంద మయం చేసుకుంటారు. దీనికి చదువులతో, హోదాలతో సంబంధం లేదు. ఒక ప్రమాణికా బద్దంగా మదుపు చేసుకోవడం వంటి ఆశయం ఉంటే చాలు.

మూడు విధానాల సంపాదన

సంపాదన అనేది మూడు విధానాలతో ఉన్నది. మొదటి విధానం ఉద్యోగం చేస్తూ సంపాదించడం, రెండవ విధానం ఉద్యోగంతో సంబంధం లేకుండా వ్యాపారం చేస్తూ సంపాదించడం, మూడవ విధానం ఏమైనా సేవలు అందిస్తూ సంపాదించడం. ఉద్యోగం చేస్తూ, వ్యాపారం చేస్తూ లేదా ఏమైనా సేవలు అందిస్తున్నపుడు వచ్చే సంపాదన ప్రతి ఒక్కరి ఆనందమైన జీవితం కోసం. కొందరంటారు తనకేమండీ తాను ఉద్యోగం చేస్తూ సంపాదిస్తున్నాడని, మరికొందరంటారు తనకేమండీ తాను వ్యాపారం చేస్తూ సంపాదిస్తున్నాడని, తాము చేస్తున్న నిర్వహిస్తున్న వృత్తులలోని సాధక బాధకాల తో వ్యాపారం చేస్తున్న వారు ఉద్యోగాలు చేస్తున్న వారిని, ఉద్యోగాలు చేస్తున్న వారు వ్యాపారాలు చేస్తున్న వారిని ఒకరిపై ఒకరు ప్రసంశల జల్లులను కురిపిస్తుంటారు. ఎవరు ఏ విధంగా సంపాదిస్తున్నా తమకు వచ్చే సంపాదనలో కొంత మదుపు చేస్తున్న వారే ఏ చీకూ చింతా లేకుండా ఆనందంగా ఉండ గలుగుతారు.

అత్యవసర సమయాలలో

మదుపు చేయని వారయితే, ఒక ఉన్నత ఉద్యోగి సయితం తన క్రింద పనిచేసే చిన్న ఉద్యోగి వద్ద అప్పు చేయాల్సిన పరిస్తితి రావచ్చు కొన్ని అత్యవసర సమయాలు, సందర్భాలలో. దీనికి కారణం, ఉన్నత ఉద్యోగి ఎక్కువ శాలరీ తీసుకుంటున్నపటి కీ తనకు శాలరీ రూపంలో వచ్చే సంపాదనను విచ్చలవిడిగా ఖర్చు చేసే వారయితే అత్యవసర సమయాలలో డబ్బు కోసం వేరే వారిపై ఆధార పడవలసి వస్తుంది. చిన్న ఉద్యోగి తక్కువ శాలరీ తీసుకుంటున్నపటికీ తనకు శాలరీ రూపంలో వచ్చే సంపాదనలో కొంత మదుపు చేసే వారయితే అత్యవసర సమయాలలో వారికి ఏవిధమైన చీకు చింతా లేకుండా వారు పొదుపు చేసిన డబ్బు వారికి సహాయ పడడమే కాకుండా మరొకరికి సహాయ పడుతుంది

మదుపు చేయాలి

అందుకే ప్రతి ఒక్కరూ తనకు వస్తున్న సంపాదనలో కొంత మదుపు చేయాలి. మదుపు చేసిన డబ్బును అత్యవసర సమయాలో వినియోగించాలి తప్పితే, ఎట్టి పరిస్తితుల లోనూ అనవసర ఖర్చులకు వినియోగించ కూడదు. అయితే ఎంత మదుపు చేయాలి? అనే ప్రశ్న వస్తుంది ఎవరికయినా, ఎంత మదుపు చేయాలి అంటే ప్రతి నెలా వస్తున్న సంపాదనలో కనీసం పది శాతం తగ్గ కుండా ప్రతి ఒక్కరూ మదుపు చేసుకోవాలి. ప్రత్యేకించి ప్రతి ఉద్యోగి కూడా ప్రతి నెలా తనకు వస్తున్న శాలరీ లో కనీసం పది శాతం తు.చ. తప్పకుండా మదుపు చేసుకునే విధానాన్ని అవలంభించాలి.

విశ్రాంత జీవితానికి

క్రొత్తగా ఉద్యోగంలోకి ప్రవేశించిన వారు తమకు వచ్చే శాలరీ లో పది శాతం మదుపు చేసే విధానాన్ని తాము ఉద్యోగంలో ప్రవేశించిన మొదటి నెల నుండి పాటించి నట్లయితే, వారు ఉద్యోగం నుండి రిటైర్‍మెంట్ సమయానికి, అది కోటి రూపాయలతో సమానమయిన విలువలతో. ఆ డబ్బు విశ్రాంత జీవితానికి ఎవరిపై ఆధార పడకుండా సహాయ పడుతుంది అని తెలియజేయడమే ఈ "బండ్ల గోల" బ్లాగ్ కెరీర్ ఉద్దేశ్యము.

నేను వ్రాసిన మరి కొన్ని బ్లాగుల లింకులను క్రింద ఇస్తున్నాను, వాటిపై క్లిక్ చేసి వీక్షించవలసినదిగా కోరుచున్నాను.