వెబ్‍సైట్ నిర్మాణానికి
వెబ్ డిజైనర్స్
అవసరం చాలా ఉన్నది

వెబ్ డిజైనర్స్

నేటి అంతర్జాల సమాజంలో ప్రతి ఒక్కరూ తమ తమ కార్యక్రమ విధానాలను, తాము నిర్వహించే వ్యాపార ఆన్ లైన్ సేవలను వెబ్ సైట్ ద్వారా తెలియజేస్తుండడంతో వెబ్‍సైట్ నిర్మాణానికి వెబ్ డిజైనర్స్ అవసరం చాలా ఉన్నది. అయితే వెబ్ సైట్ నిర్మాణానికి వెబ్ డిజైన్ నేర్చుకున్న వారు, పోగ్రామింగ్ తో వెబ్ డిజైన్ పై పట్టున్న వారు తమ వెబ్ సైట్ ను తాము నిర్మించుకోవడమే కాకుండా, ఇతరుల వెబ్‍సైట్ కూడా నిర్మించగలుగు తారు. జీవితంలో అభివృద్ది సాధించడానికి అత్యున్నత మార్గాలలో వెబ్ డిజైన్ ఒకటి. వెబ్ డిజైన్ అనేది అనేక కళల, డిజైన్ ల సముదాయం. మీరు గమనించే ఉంటారు ప్రతి వెబ్‍సైట్ ఒక్కొక ప్రత్యేక విధానంతో డిజైన్ లతో ఉంటుంది. ప్రత్యేక డిజైన్ విధానాలతో ఆకట్టుకునే విధంగా వెబ్ సైట్ ను నిర్మించడమే వెబ్ డిజైనర్ పాత్ర. మీలో గట్టిపట్టుదల ఉంటే చిన్న బేసిక్ నాలెడ్జ్ తో అనేక డిజైన్స్ రూపొందిస్తూ వెబ్‍సైట్ నిర్మాణంలో నంబర్ వన్ గా రాణిస్తూ, డబ్బు సంపాదన విషయంలో ముందుండమే కాకుండా అందరి మన్ననలు పొందవచ్చు. నేడు వెబ్ డిజైనర్ వివిధ సంస్థలకు అందిస్తున్న వెబ్‍సైట్ సేవలకు , ఒక చిన్న వెబ్ సైట్ నిర్మాణానికి పాతిక వేల రూపాయలు, అదే పెద్ద వెబ్ సైట్ నిర్మాణానికి లక్షల రూపాయలలో, వెబ్ డిజైనర్ కు ప్రతి ఫలం లభిస్తున్నది.

రెండు విధాలైన వెబ్‍సైట్స్

వెబ్‍ సైట్ డిజైన్స్ రెండు విధాలుగా ఉంటాయి అవి మొదటిది స్టాటిక్ వెబ్‍సైట్, రెండవది డైనమిక్ వెబ్‍సైట్. స్టాటిక్ వెబ్‍సైట్ పేజీలన్నీ డిజైన్ చేసి సర్వర్ లో అప్‍లోడ్ చేసిన సంవత్సరం మొదటి రోజు నుండి, సంవత్సరం చివరి రోజు వరకూ 365 రోజులూ ఎటువంటి మార్పు చేర్పులు లేకుండా ఉండే వెబ్‍సైట్. ఎవరు ఏ ప్రదేశం నుండి చూసినా అందరికీ ఒకే విధంగా కనిపించే వెబ్‍సైట్ ను స్టాటిక్ వెబ్‍సైట్ అనవచ్చు. డైనమిక్ వెబ్‍సైట్ యూజర్ కు అనుకూలంగా వెబ్ పేజీ ఓపెన్ అవుతుంది. దీనిలో బ్లాగ్ వెబ్‍సైట్, న్యూ స్ వెబ్‍సైట్, ఆన్‍లైన్ షాపింగ్ వెబ్‍సైట్ ఉంటాయి.

స్టాటిక్ వెబ్‍సైట్

ఇది చిన్న చిన్న వ్యాపార సంస్థలకు, పర్సనల్ వెబ్‍సైట్ నిర్మించుకోవాలనుకునే వ్యక్తులకు ఉపయోగకరము. స్టాటిక్ వెబ్‍సైట్ రన్ చేసుకోవడానికి ఒక వెబ్ డిజైనర్ సహకార సేవలు అవసరమవుతాయి. లేదా వెబ్ డిజైన్ నేర్చుకున్న వారు ఎవరి ప్రమేయం లేకుండా తమ స్టాటిక్ వెబ్‍సైట్ ను నిర్మించుకుని స్వయంగా రన్ చేయవచ్చు. స్టాటిక్ వెబ్‍సైట్ నిర్మాణం కు చిన్న బేసిక్ నాలెడ్జ్ ఉంటే సరిపోతుంది. బేసిక్ నాలెడ్జ్ విధానమే కదా అని వెనకడుగు వేయకండి. బేసిక్ నాలెడ్జ్ నుండే, బేసిక్ నాలెడ్జ్ తెలుసుకున్న తర్వాతే ప్రతి ఒక్కరికీ ఒక్కో విధమైన సృజనాత్మకత పుట్టుకొచ్చి క్రొత్త క్రొత్త విధానాలను కనుగొంటూ వెబ్ డిజైన్ లో ముందుండగలుగుతారు. చిన్న వ్యాపార సంస్థల వారు, పర్సనల్ వెబ్‍సైట్ నిర్మించుకోవాలనుకునే ఔత్సహికులు గూగుల్ శొధనల ద్వారా లభించే ప్రాధమిక సమాచారం తో, బేసిక్ నాలెడ్జ్ తో స్టాటిక్ వెబ్‍సైట్ ను నిర్మించుకో గలుగుతారు.

బ్లాగ్ వెబ్‍సైట్

అనేక టాపిక్స్ విషయాల తో ఉన్న వెబ్‍సైట్, బ్లాగ్ వెబ్‍సైట్. వెబ్‍సైట్ కు టాపిక్స్ వ్రాసే వారిని బ్లాగర్ అంటాము. బ్లాగర్ తాను టాపిక్స్ వ్రాసుకున్న ప్రతి సారీ తమ టాపిక్స్ వెబ్ పేజీలను బ్లాగ్ వెబ్‍సైట్ లో జత చేస్తుంటారు. బ్లాగర్ తమ వెబ్ పేజీలను ప్రతి గంట కూ, ప్రతి రోజూ, ప్రతి వారం, వారు వ్రాస్తున్న టాపిక్స్ అభిరుచులను అనుసరించి గంట గంట కూ ఒక సారీ, రోజుకు ఒక సారీ, వారానికి ఒక సారీ లేదా నెలకు ఒక సారీ బ్లాగ్ వెబ్‍సైట్ కు జత చేస్తుంటారు. బ్లాగర్ ఇష్టాను సారం తన వెబ్ పేజీలను కలుపుకుంటూ బ్లాగ్ వెబ్‍సైట్ ను డెవలప్ చేసుకుంటుంటారు. బ్లాగ్ వెబ్‍సైట్ నిర్మాణానికి, రన్ చేసుకోవడానికి ఒక వెబ్ డిజైనర్ సహకార సేవలు అవసరమవుతాయి. లేదా వెబ్ డిజైన్ నేర్చుకున్న వారు ఎవరి ప్రమేయం లేకుండా తమ బ్లాగ్ వెబ్‍సైట్ ను నిర్మించుకుని స్వయంగా రన్ చేయవచ్చు. మీరు నిర్మించుకున్న బ్లాగ్ వెబ్‍సైట్ కు గూగుల్ ఆడ్‍సెన్స్ కు వచ్చే ప్రకటనల ద్వారా మంచి ఆదాయాలను కూడా పొందే అవకాశమున్నది.

న్యూ స్ వెబ్‍సైట్

తాజా వార్తలను వెలుగులోకి తీసుకు రావడానికి నిముష నిముషానికీ క్రొత్త క్రొత్త తాజా సమాచార వార్తల విషయాలు, విశ్లేషణలు అందించడానికి పోటీ పడుతుంటాయి న్యూ స్ వెబ్‍సైట్స్ . ఈనాడు, సాక్షి, ఇండియా టుడే సమయం వంటి న్యూ స్ వెబ్‍సైట్స్ ఎప్పటికప్పుడు మార్పు చేర్పులు చేస్తుండటం వంటి విషయాలు, అనేక వెబ్ డిజైనర్స్ అందించే వివిధ ప్రోగ్రాం లతో మాత్రమే ముందుంటాయి

ఆన్‍లైన్ షాపింగ్ వెబ్‍సైట్

అమెజాన్, ఫ్లిప్‍కార్ట్ వంటి ఆన్‍లైన్ షాపింగ్ వెబ్‍సైట్స్ షాపింగ్ ద్వారా కస్టమర్స్ ఏమైనా కొనుగోలు చేసిన ప్రొడక్ట్స్ ను షాపింగ్ లిస్ట్ నుండి తగ్గుతూ, అట్లానే క్రొత్త ప్రొడక్ట్స్ ను షాపింగ్ లిస్ట్ లో జత కలుస్తూ, ఎప్పటికప్పుడు మార్పు చేర్పులు జరుగుచుండటం వంటి విషయాలు, అనేక వెబ్ డిజైనర్స్ అందించే వివిధ ప్రోగ్రాం లతో నడుస్తుంటాయి

Azure, AWS and Google Cloud services

మైక్రోసాఫ్ట్ సంస్థ నిర్వహిస్తున్న Azure డేటా, అమెజాన్ సంస్థ నిర్వహిస్తున్న Amazon Web Services (AWS) మరియు గూగుల్ సంస్థ నిర్వహిస్తున్న Google Cloud Platform (GCP) ప్రోగ్రాం లను మూడు వందల అమెరికన్ డాలర్ల వరకూ (మన ఇండియన్ కరెన్సీ ప్రకారం సుమారు Rs. 22,000/- వరకూ) విలువయిన పొగ్రామింగ్ ను ఉచితంగా ఒక సంవత్సరం వరకూ నేర్చుకునే అవకాశాన్ని కలిగించారు. మైక్రోసాఫ్ట్, అమెజాన్, గూగుల్ సంస్థలు ఉచితంగా అందిస్తున్న ఈ పొగ్రాం లన్నీ కొద్ది తేడాలతో అన్నీ ఒకే విధంగా ఉంటాయి కనుక ఎవరైననూ వీటిలో ఒక అవకాశాన్ని ఐనా సద్వినియోగం చేసుకుంటే, పెద్ద పెద్ద కంపెనీలలో మంచి జీతాలతో ఉద్యోగాలు పొందవచ్చు లేదా సొంతగా వెబ్ డిజైనింగ్ డేటా సంస్థలను నిర్వహించుకోవచ్చు.

నేను వ్రాసిన మరి కొన్ని బ్లాగుల లింకులను క్రింద ఇస్తున్నాను, వాటిపై క్లిక్ చేసి వీక్షించవలసినదిగా కోరుచున్నాను.